Promotions
ប្រូម៉ូសិន
អិលអូអិលស៊ី (ខេមបូឌា)៖ ទំនួលខុសត្រូវលើកិច្ចការងារសង្គម និងការការពារបរិស្ថានគឺជាកាតព្វកិច្ចរបស់យើងទាំងអស់គ្នា
ខេត្តព្រះសីហនុ ថ្ងៃទី២៥ ខែធ្នូ ឆ្នាំ២០២២៖ អិលអូអិលស៊ី (ខេមបូឌា) ភីអិលស៊ី ដែលជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើធំមួយ នៅក្នុងព្រះរាជាណាចក្រកម្ពុជា បានឧបត្ថម្ភគ្រឿងឧបភោគបរិភោគ ធុងសម្រាម និងសម្ភារសិក្សាមួយចំនួនជូនចំពោះអង្គការកុមារឃ្លាំងលើដែលមានទីតាំងស្ថិតនៅសង្កាត់លេខ២ ក្រុងព្រះសីហនុ ខេត្តព្រះសីហនុ។
លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) បានមានប្រសាសន៍ឱ្យដឹងថាយើងម្នាក់ៗសុទ្ធតែមានកិច្ចការងារដែលត្រូវធ្វើជាប្រចាំ ប៉ុន្តែទោះជាយ៉ាងណា ទំនួលខុសត្រូវសង្គម និងការការពារបរិស្ថានគឺជាអ្វីដែលយើងមិនអាចមើលរំលង ព្រោះវាជាកាតព្វកិច្ចរបស់យើងគ្រប់គ្នា។ ជាក់ស្តែងដូចជា អិលអូអិលស៊ី នៅពេលនេះ បើទោះបីជាយើងមមាញឹកក្នុងការខិតខំផ្តល់ជូនសេវាដ៏ល្អជូនអតិថិជនឱ្យទទួលបានភាពងាយស្រួល និងអត្ថប្រយោជន៍ខ្ពស់ប្រកបដោយភាពរីកចម្រើន ក៏យើងពុំដែលភ្លេចពីការចូលរួមក្នុងសកម្មភាពការងារសង្គម និងចូលរួមគាំទ្រការការពារបរិស្ថាននោះដែរ ហើយយើងក៏សង្ឃឹមថាក្មេងៗជំនាន់ក្រោយរបស់យើង នឹងមានស្មារតីក្នុងការរួមចំណែកកសាងសង្គមជាតិរបស់យើងទាំងអស់គ្នាឱ្យកាន់តែល្អប្រសើរ តាមរយៈទំនួលខុសត្រូវសង្គម និងបរិស្ថាននេះផងដែរ។
អ្នកស្រី កែវ សម្រិត អ្នកគ្រប់គ្រងទូទៅរបស់ អង្គការកុមារឃ្លាំងលើក៏បានមានប្រសាសន៍ឱ្យដឹងថាអង្គការកុមារឃ្លាំងលើបានបង្កើតឡើងនៅឆ្នាំ ២០១៣ និងបានជួយកុមារជាច្រើនឱ្យទទួលបានការបណ្តុះបណ្តាលលើជំនាញផ្សេងៗរួមមាន៖ ភាសាខ្មែរ ភាសាអង់គ្លេស របាំ ការយល់ដឹងអំពីសុខភាព និងការផ្គត់ផ្គង់ជាអាហារមួយចំនួនផងដែរ។ អ្នកស្រីបានបន្ថែមទៀតថា អ្នកស្រីមានសេចក្តីសោមនស្សរីករាយជាខ្លាំងដែល អិលអូអិលស៊ី បានចូលរួមគាំទ្រ និងឧបត្ថម្ភនូវគ្រឿងឧបភោគបរិភោគ ធុងសម្រាម និងសម្ភារសិក្សាផ្សេងទៀតជូនមកក្មេងៗ ក៏ដូចជាសម្រាប់អង្គការកុមារឃ្លាំងលើបានប្រើប្រាស់បម្រើប្រយោជន៍រួមសម្រាប់សហគមន៍យើងឱ្យកាន់តែបានច្រើនជាងមុនបន្ថែមទៀត។
គួរបញ្ជាក់ដែរថា អិលអូអិលស៊ី គឺជាគ្រឹះស្ថានមីក្រូហិរញ្ញវត្ថុឈានមុខគេមួយនៅក្នុងប្រទេសកម្ពុជា ដែលផ្តល់ជូននូវសេវាហិរញ្ញវត្ថុប្រកបដោយបរិយាបន្ន ដ៏មានទំនុកចិត្តខ្ពស់បំផុតនៅក្នុងប្រទេសកម្ពុជា ដើម្បីបង្កើតនូវលទ្ធផលវិជ្ជមានយូរអង្វែងដល់សហគមន៍ ព្រមទាំងបង្កើតតម្លៃដល់គ្រប់ភាគីពាក់ព័ន្ធ។
អំពីអិលអូអិលស៊ី (ខេមបូឌា)
បច្ចុប្បន្ន អិលអូអិលស៊ី គឺជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើដែលធំជាងគេលំដាប់ទី៣ នៅក្នុងប្រទេសកម្ពុជា បើគិតទៅសមតុល្យប្រាក់បញ្ញើ ផលបត្រឥណទាន និងចំនួនអតិថិជន។ គិតត្រឹមខែវិច្ឆិកា ឆ្នាំ២០២២ អិលអូអិលស៊ី មាន៖
ទ្រព្យសកម្មសរុប ប្រមាណ ១.៤៧០ លានដុល្លារអាមេរិក ដែលកើនឡើង ២០% ធៀបនឹងឆ្នាំ២០២១។
ផលបត្រឥណទាន/ប្រាក់កម្ចីអតិថិជន មានចំនួនជាង ១.២៤៨ លានដុល្លារអាមេរិក ដែលកើនឡើងប្រមាណ ២០% ធៀបនឹងឆ្នាំ២០២១។
សមតុល្យប្រាក់បញ្ញើរបស់អតិថិជនមានប្រមាណ ៧៦០ លានដុល្លារអាមេរិក ដែលកើនឡើង ៣០% ធៀបនឹងឆ្នាំ២០២១។
បុគ្គលិកសរុបមានចំនួនជាង ៣.៥០០នាក់ ដែលកំពុងបម្រើសេវាឥណទានជូនអតិថិជនប្រមាណ ៣៥ ម៉ឺននាក់ និងបម្រើសេវាប្រាក់បញ្ញើជូនអតិថិជនប្រមាណ ៥២ ម៉ឺននាក់។
Related Post
LOLC (Cambodia) Plc. has been serving Cambodian public and society for over 30 years, and has been recognized by both local and international financial authorities. Our products and services are committed to improving the livelihood of Cambodian customers.
#666B, Street 271, Kbal Tumnub Muoy Village, Sangkat Boeng Tumpun 2, Khan Mean Chey, Phnom Penh, Cambodia.
 023 991 991  [email protected] |
      |
©Copyrght 2024 LOLC (Cambodia) Plc , All Rights Reserved