Promotions
ប្រូម៉ូសិន
អិលអូអិលស៊ី ចូលរួមក្នុងយុទ្ធនាការស័្មគ្រចិត្តបរិច្ចាគឈាមក្រោមប្រធានបទ "រួមគ្នាសង្គ្រោះជីវិត"
រាជធានីភ្នំពេញ ថ្ងៃទី១៦ ខែកក្កដា ឆ្នាំ២០២៤៖ អិលអូអិលស៊ី (LOLC) ដែលជាគ្រឹះស្ថានមីក្រូហិរញ្ញវត្ថុ ទទួលប្រាក់បញ្ញើឈានមុខគេមួយនៅព្រះរាជាណាចក្រកម្ពុជា បានចូលរួមក្នុងយុទ្ធនាការបរិច្ចាគឈាមដែលបានរៀបចំឡើងដោយ ធនាគារជាតិនៃកម្ពុជា (NBC) សមាគមមីក្រូហិរញ្ញវត្ថុកម្ពុជា (CMA) សហភាពសហព័ន្ធយុវជនកម្ពុជា (UYFC) និងសមាគមធនាគារនៅកម្ពុជា (ABC) ក្រោមប្រធានបទ "រួមគ្នាសង្គ្រោះជីវិត"។
ព្រឹត្តិការណ៍នេះធ្វើឡើងនៅទីស្នាក់ការសហភាពសហព័ន្ធយុវជនកម្ពុជា នៅអគារខេមរានី វិថីវិចិត្រសិល្បៈ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។ កម្មវិធីនេះធ្វើឡើងក្នុងគោលបំណងចូលរួមផ្តល់ឈាមជួយសង្គ្រោះជីវិតអ្នកជំងឺដែលមានតម្រូវការឈាម និងជំរុញផ្សព្វផ្សាយឱ្យប្រជាពលរដ្ឋមានការយល់ដឹងកាន់តែច្បាស់ពីសារៈសំខាន់នៃការចូលរួមបរិច្ចាកឈាមដោយស្ម័គ្រចិត្ត។
តាមរយៈយុទ្ធនាការបរិច្ចាកឈាមនេះ អិលអូអិលស៊ី (LOLC) សូមលើកទឹកចិត្តដល់អ្នកគ្រប់គ្នា ក្នុងការបរិច្ចាគឈាមដើម្បីសង្គ្រោះជីវិត ជាពិសេសសម្រាប់អ្នកដែលកំពុងមានតម្រូវការ ពីព្រោះថារាល់ឈាមមួយប្លោករបស់អ្នក អាចជួយសង្គ្រោះជីវិតមនុស្សបានរហូតដល់ទៅបីនាក់។
ការចូលរួមរបស់ អិលអូអិលស៊ី (LOLC) ឆ្លុះបញ្ចាំងពីការប្តេជ្ញាចិត្តចំពោះទំនួលខុសត្រូវក្នុងសង្គម ក៏ដូចជាគូសបញ្ជាក់ពីការ តាំងចិត្ត របស់ យើងក្នុងការជួយសង្គ្រោះជីវិតដល់អ្នកជំងឺដែលកំពុងទទួលការវះកាត់ គ្រោះថ្នាក់ និងការសង្គ្រោះបន្ទាន់ផ្សេងៗ។ អិលអូអិលស៊ី សង្ឃឹមថាការចូលរួមចំណែកមួយនេះនឹងអាចជួយសង្គ្រោះជីវិតអ្នកជំងឺ ជាពិសេសសម្រាប់អ្នកដែលកំពុងមានតម្រូវការ ក៏ដូចជាផ្តល់នូវគំរូដ៏ល្អមួយក្នុងសកម្មភាពមនុស្សធម៌ និងរួមចំណែកជួយដល់សង្គមជាតិទាំងមូល។
Publish date: July 16, 2024
Related Post
LOLC (Cambodia) Plc. has been serving Cambodian public and society for over 30 years, and has been recognized by both local and international financial authorities. Our products and services are committed to improving the livelihood of Cambodian customers.
#666B, Street 271, Kbal Tumnub Muoy Village, Sangkat Boeng Tumpun 2, Khan Mean Chey, Phnom Penh, Cambodia.
 023 991 991  [email protected] |
     |
©Copyrght 2024 LOLC (Cambodia) Plc , All Rights Reserved