Promotions
ប្រូម៉ូសិន
កម្មវិធីប្រកួតនិពន្ធអត្ថបទសាច់រឿងខ្លី (Short Story Writing Contest)
ដើម្បីចូលរួមលើកកម្ពស់ការយល់ដឹងអំពីចំណេះដឹងហិរញ្ញវត្ថុនៅកម្ពុជា ក៏ដូចជាការគាំទ្រឱ្យមានការចែករំលែក និងជជែកពិភាក្សាអំពីបទពិសោធន៍វិជ្ជមានក្នុងការគ្រប់គ្រងលុយកាក់របស់ប្រជាពលរដ្ឋឱ្យកាន់តែទូលំទូលាយ អិលអូអិលស៊ី បានរៀបចំនូវកម្មវិធីប្រកួតសរសេរអត្ថបទសាច់រឿងខ្លីក្នុងប្រធានបទ “ហិរញ្ញវត្ថុ និងអ្នក” ។ បេក្ខជននឹងតម្រូវឱ្យតែងនិពន្ធអត្ថបទសាច់រឿងខ្លីៗ ដែលឆ្លុះបញ្ចាំងពីប្រធានបទណាមួយខាងក្រោមនេះ៖
- សារៈប្រយោជន៍នៃចំណេះដឹងហិរញ្ញវត្ថុសម្រាប់ការរស់នៅ
- កំហុសរឿងលុយកាក់ដែលអ្នកបានជួប និងការដោះស្រាយ
- ការសម្រេចចិត្តដ៏ធំទៅលើហិរញ្ញវត្ថុដែលបានកែប្រែជីវិតអ្នក
- ទម្លាប់ហិរញ្ញវត្ថុល្អៗគួរចែករំលែក
- របៀបគ្រប់គ្រងលុយកាក់ក្នុងសម័យកាលឌីជីថល
- បទពិសោធន៍វិជ្ជមានក្នុងការទទួលយកម្ចីពីគ្រឹះស្ថានហិរញ្ញវត្ថុដែលកែប្រែជីវិតអ្នក
1. លក្ខខណ្ឌក្នុងការចូលរួម៖
- បេក្ខជនត្រូវមានអាយុចាប់ពី ១៨ - ៤៥ឆ្នាំ។
- បេក្ខជនត្រូវចូលរួមជាបុគ្គល នឹងអាចដាក់បញ្ជូនសាច់រឿងប្រកួតបានតែមួយរឿងប៉ុណ្ណោះក្នុងបេក្ខជនម្នាក់។
- បុគ្គលិក អិលអូអិលស៊ី មិនអាចចូលរួមក្នុងកម្មវិធីប្រកួតប្រជែងនេះបានទេ។
2. លក្ខខណ្ឌរបស់អត្ថបទចូលរួមប្រកួត៖
- សាច់រឿងត្រូវសរសេរឡើងដោយផ្អែកលើសង្គមបច្ចុប្បន្ន មានភាពច្នៃប្រឌិត និងបង្កប់គំនិតអប់រំ ឬអាចដកស្រង់មកពីរឿងពិតផ្ទាល់ខ្លួន ត្រូវតែជាគំនិតបង្កើតថ្មីមិនចំលងស្នាដៃរបស់អ្នកដទៃ និងមិនធ្លាប់បានចូលរួមទៅក្នុងការប្រកួតផ្សេង ឬធ្លាប់ផ្សព្វផ្សាយតាមរយៈប្រព័ន្ធផ្សព្វផ្សាយណាមួយពីមុនឡើយ។
- អត្ថបទដែលទទួលបានជ័យលាភី មានគុណភាពល្អ អាចនឹងត្រូវបាន អិលអូអិលស៊ី យកទៅផលិតជាវីដេអូសាច់រឿង
- អត្ថបទសាច់រឿងត្រូវសរសេរចាប់ពី០១ ទៅ ០៥ទំព័រ ត្រូវសរសេរតាមរយៈកុំព្យូទ័រ ក្រដាស A4 ពុម្ពអក្សរ Khmer OS Content ទំហំអក្សរ11 មិនដាក់ក្បាលទំព័រ ឬជើងទំព័រ និងត្រូវបញ្ជាក់៖
- - ប្រធានបទ៖
- - តែងនិពន្ធដោយ៖
- - ចំណងជើងរឿង៖
3. លក្ខខណ្ឌក្នុងការវាយតម្លៃ
អិលអូអិលស៊ី នឹងផ្តល់ពិន្ទុដល់បេក្ខជនតាមរយៈការវាយតម្លៃដូចខាងក្រោម៖
- អត្ថន័យ៖ គំនិតដើម ភាពច្នៃប្រឌិត និងតម្លៃអប់រំនៅក្នុងសាច់រឿង
- អត្ថរូប៖ ភាពប៉ិនប្រសប់ក្នុងការប្រើប្រាស់ឃ្លោងឃ្លា ធ្វើឱ្យសាច់រឿងគួរឱ្យចង់តាមដាន
- អត្ថរស៖ ភាពប៉ិនប្រសប់ក្នុងការសសេរឆ្លុះបញ្ចាំង នូវតថភាពជាក់ស្តែង និងអប់រំសីលធម៌
- គុណភាព៖ មានការយកចិត្តទុកដាក់ក្នុងការសរសេរ មិនខុសអក្ខាវិរុទ្ធ និងគោរពតាមលក្ខន្តិកៈបានត្រឹមត្រូវ។
4. របៀបដាក់ពាក្យ
ដើម្បីដាក់ពាក្យចូលរួមប្រកួត បេក្ខជនតម្រូវបំពេញព័ត៌មានតាមទម្រង់ពាក្យស្នើរសុំ តាមរយៈតំណរភ្ជាប់នេះ៖
https://forms.office.com/r/EeuEAzykFm
បេក្ខជនត្រូវចុះឈ្មោះចូលរួមប្រកួតឱ្យបានត្រឹមថ្ងៃទី២០ ខែមីនា ឆ្នាំ២០២៤
សូមផ្ញើរអត្ថបទរឿងខ្លីរបស់អ្នក ដោយភ្ជាប់ជាមួយព័ត៌មានផ្ទាល់ខ្លួនមកកាន់អ់ុីម៉ែល [email protected] ឬទំនាក់ទំនងមកកាន់ Telegram: 081 500 858។
បញ្ជាក់៖ បេក្ខជនទាំងអស់ត្រូវបញ្ចូនអត្ថបទរឿងខ្លួនរបស់ខ្លួនមកកាន់អ់ុីម៉ែល ឬតេលេក្រាមខាងលើឱ្យត្រឹមថ្ងៃទី៣១ ខែមីនា ឆ្នាំ២០២៤ ជាកំហិត។
5. អត្ថប្រយោជន៍
បេក្ខជនចំនួន ០២នាក់ដែលបានបញ្ចេញស្នាដៃតែងនិពន្ធល្អជាងគេ នឹងត្រូវបានជ្រើសរើស ហើយនឹងទទួលបានប្រាក់រង្វាន់ចំនួន ៧០០ដុល្លារអាមេរិកក្នុងម្នាក់។
អិលអូអិលស៊ី មានសិទ្ធិកែសម្រួលបន្ថែមបន្ថយឈុតឆាកដើម្បីយកទៅផលិតជាវីដេអូ ដោយរក្សាខ្លឹមសារអត្ថបទសាច់រឿងរបស់បេក្ខជនក្នុងខ្លឹមសារដើម។ អិលអូអិលស៊ី រក្សាសិទ្ធិក្នុងការផ្សព្វផ្សាយព័ត៌មានរបស់អ្នកទទួលបានជ័យលាភី ស្នាដៃអត្ថបទរបស់បេក្ខជន និងវីដេអូ ដែលបានផលិតរួចទៅលើបណ្តាញសង្គម៕
Publish date: March 11, 2024
Related Post
LOLC (Cambodia) Plc. has been serving Cambodian public and society for over 30 years, and has been recognized by both local and international financial authorities. Our products and services are committed to improving the livelihood of Cambodian customers.
#666B, Street 271, Kbal Tumnub Muoy Village, Sangkat Boeng Tumpun 2, Khan Mean Chey, Phnom Penh, Cambodia.
 023 991 991  [email protected]  Information Security |
      |
©Copyrght 2024 LOLC (Cambodia) Plc , All Rights Reserved