សេវាភតិសន្យាហិរញ្ញវត្ថុ

សេវាភតិសន្យាហិរញ្ញវត្ថុ ផ្តល់ជូនអតិថិជនដែលមានបំណងចង់បានចលនវត្ថុដូចជា ម៉ូតូ ម៉ូតូកង់បី ឡាន និង គ្រឿងចក្រកសិកម្ម គ្រឿងចក្រធុនធ្ងន់ ដើម្បីយកមកប្រើប្រាស់ក្នុងអាជីវកម្ម ឬផ្ទាល់ខ្លួន ក្នុងរយៈពេលវែងដោយមិនចាំបាច់វិនិយោគបន្ថែមនូវសាច់ប្រាក់ ផ្ទាល់ខ្លួន ឬដកយកទុនបង្វិលពីក្នុងអាជីវកម្មមកប្រើប្រាស់។ អិលអូអិលស៊ី ផ្តល់សិទ្ធិកាន់កាប់ និងសិទ្ធិប្រើប្រាស់ពេញលេញជូនអតិថិជនពេញកំលុងពេលនៃការជួល។ អតិថិជនអាចក្លាយជាម្ចាស់កម្មសិទ្ធិស្របច្បាប់នៅចុងបញ្ចប់នៃកិច្ចសន្យា ដោយគ្រាន់តែអតិថិជនបង់ថ្លៃជួលប្រចាំខែ រួមទាំងកម្រៃសេវាធានារ៉ាប់រងលើចលនវត្ថុ។

អត្ថប្រយោជន៍នៃផលិតផលនេះរួមមាន៖

ទទួលបានចលនវត្ថុទៅតាមតម្រូវការសម្រាប់យកទៅប្រើប្រាស់ផ្ទាល់ខ្លួន ឬសម្រាប់ប្រតិបត្តិការអាជីវកម្មដោយមិនចាំបាច់ប្រើប្រាស់ធន ធានផ្ទាល់ខ្លួន ឬទុនពីមុខរបរ។
ផ្ទេរការចំណាយដុលលើការទិញចលនវត្ថុ ទៅជាការចំណាយប្រតិបត្តិការប្រចាំខែវិញ។
អាចបង្កើនប្រាក់ចំណូល និង/ឬពង្រីកប្រតិបត្តិការច្រើនបន្ថែមទៀត។

ភតិសន្យាហិរញ្ញវត្ថុ ត្រូវបានបង្កើតឡើងដើម្បីសម្របទៅនឹងតម្រូវការរបស់អតិថិជន ដោយអនុញ្ញាតឱ្យមានការបង់ថ្លៃជួលច្រើនជម្រើសរួមមាន៖

បង់ថ្លៃជួលប្រចាំខែថេរ
បង់ថ្លៃជួលប្រចាំខែថេរតាមការចរចា
បង់ថ្លៃជួលប្រចាំខែតាមការចរចា

លក្ខខណ្ឌ លក្ខណៈពិសេស សកម្មភាពហាមឃាត់ របៀបដាក់ពាក្យស្នើសុំ

លក្ខខណ្ឌតម្រូវការ៖

ជានីតិជនមានអាយុពី ១៨ ដល់ ៦៥ ឆ្នាំ
មានអាសយដ្ឋានអចិន្រ្តៃយ៍
មានមុខរបរត្រឹមត្រូវស្របច្បាប់ និងមានចំណូលទៀងទាត់
មានប្រវត្តិល្អនិងអាចជឿជាក់បាន
មានសមត្ថភាពគ្រប់គ្រាន់ក្នុងការសងថ្លៃជួលត្រលប់មកវិញ
មានអត្តសញ្ញាណប័ណ្ណ លិខិតឆ្លងដែន សៀវភៅគ្រួសារ សៀវភៅស្នាក់នៅ និង/ឬ សំបុត្រកំណើត
លិខិតបញ្ជាក់ប្រាក់បៀវត្សសម្រាប់បុគ្គលិក (បើចំណូលរបស់អតិថិជនបានមកពីប្រាក់បៀវត្ស)។
របាយការណ៍ហិរញ្ញវត្ថុនៅក្នុងឆ្នាំសារពើពន្ធ (បើមាន)។
យល់ព្រមទៅនឹងលក្ខខណ្ឌភតិសន្យាហិរញ្ញវត្ថុ ។

លក្ខខណ្ឌផ្សេងៗ

អតិថិជនត្រូវគោរពតាមលក្ខខណ្ឌដូចខាងក្រោម៖

ប្រគល់ឯកសារដែលពាក់ព័ន្ធតាមតម្រូវការរបស់អិលអូអិលស៊ីដោយភ្ជាប់ជាមួយពាក្យស្នើសុំភតិសន្យាហិរញ្ញវត្ថុ។
ជ្រើសរើសចលនវត្ថុនិងអ្នកផ្គត់ផ្គង់ដោយមិនផ្អែកលើជំនាញឬការវិនិច្ឆ័យរបស់អិលអូអិលស៊ីឡើយ។អិលអូអិលស៊ីទិញចលនវត្ថុ ដោយផ្អែកលើកិច្ចព្រមព្រៀងភតិសន្យាហិរញ្ញវត្ថុ។
ប្រើប្រាស់ចលនវត្ថុដែលបានជួលក្នុងគោលបំណងស្របច្បាប់ និងសមហេតុផល។
មិនអនុញ្ញាតឱ្យបកស្លាក(Sticker)ដែលសម្គាល់កម្មសិទ្ធិរបស់អិលអូអិលស៊ីនៅលើចលនវត្ថុដែលបានជួលនិង/ឬកែច្នៃប្តូររូបរាងដើម នៃចលនវត្ថុដែលបានជួលនោះឡើយ។
មិនអនុញ្ញាតឱ្យផ្ទេរ ធ្វើអំណោយ សន្តតិកម្ម (ផ្ទេរមរតក) លក់ ដាក់ធានា ឬបញ្ចាំចលនវត្ថុដែលបានជួលឡើយ។
ថែទាំ និងរក្សាចលនវត្ថុដែលបានជួលឱ្យស្ថិតក្នុងស្ថានភាពល្អទៅតាមអាយុកាលប្រើប្រាស់របស់ចលនវត្ថុ ដែលបានជួលនោះ។
ជូនដំណឹងអំពីការខូចខាត ឬបាត់បង់ចលនវត្ថុដែលបានជួល មកអិលអូអិលស៊ី។
សហការជាមួយបុគ្គលិកអិលអូអិលស៊ីក្នុងការចុះត្រួតពិនិត្យទៅលើការប្រើប្រាស់ចលនវត្ថុដែលបានជួលប្រាក់ចំណូលស្ថានភាព អាជីវកម្មនិងស្ថានភាព ហិរញ្ញវត្ថុរបស់អតិថិជន។